“Kiak Sai Kiik du ke Sai Bo’ot”, Maofi Artikel

“Kiak Sai Kiik du ke Sai Bo’ot”

husi: Crispin da Costa Perreira

 

Lee nain sira wainhira hare liu (sekilas) artigu leten, karik mosu duvidas oioin. Autor nia motivasaun hodi sita duni leitores hodi hakbesik liu tan no pasencia atu lee artigu nee to’o remata.
KRESEMENTU AS' HATUUR AS EMA BOOT

“Kiak Sai Kiik du ke Sai Bo’ot” nee laos boatus/rumoris maibe realidade nebe mak oras nee ita hare iha sociadade Timor Leste, no mos tamba ukun nain sira la iha sensiblidade ba asuntu nee hodi trata. Maibe sira sei prekupa liu ba grupu/partidu. Iha kontiudu Kiak sai Kiik, autor hakarak konvida leitoris hodi hatuur termu ekonomia atu hare asuntu nee.

Timor Leste hahu 2007 ninia progresu ekonomia tuir deklarasaun governu lao makaas kompara ho nasaun seluk. Progresu nee hatudu husi kresementu ekonomia nebe mak hahu tinan 2007 sempre iha pursentu 8 ba leten to’o 2011. I tinan 2008 Timor Leste nia kresementu sai  nomiru 2 as liu iha mundu ho pursentu 12 (relatoriu anual OJE, 2010:8, diskurcu PM). Nee faktus nebe governu fo mai publiku hodi fo valor bazeia ba diciplina siencia/aspetu oioin, (ekonomia, social, edukasaun, pobreza, nsst). Progresu nee HARE HUSI LIUR (ema esternu) diak tebes hodi ha morin Timor nia naran iha mundu, tamba iha tempu hanesan nasaun barak infrenta krizi financeiru mundial nebe hahu husi Amerika..... Maibe OINSA ITA HARE KRESEMENTU NEE HUSI LARAN (domestika)?

Bazeia ba relatoriu nee; sai duvidas mai ita tamba governu la fo indikadores makro nebe bele argumenta kresementu nee, I faktus emperik hatudu katak mudanca ekonomia povu nian Kiik los. Tan nee publiku tenke rekere ba governu, pelemenus aprejenta netik indikadores ruma ba ita hodi lee kondisaun riil ekonomia ou bele justifika deklarasaun refere.
Tuir mai hau koko hatuur indikadores ekonomia balun hodi ita (leitoris ho hau) sukat lisuk kresementu nee, Indikadores ekonomia maka:

1. GDP per kapita (nebe governu uza dadaun), sasukat nee halo jeneralija i koncedera cidadaun tomak hetan influenca HANESAN husi kresementu ekonomia nee, katak ema hotu-hotu moris ho kondisaun ekonomia hanesan. Nia formulasaun maka: total GDP fahe ba numeru populasaun (GDP / ⅀ populasaun). Sasukat nee hare liu ba numeru/angka maibe KUALIDADE LADUN PRENSE. Ou la responde ba Moris diak (welfare) sociadade/povu.

2. Kampo servisu no rendementu sae; ekonomikamente sasukat nee iha ligasaun forte hodi justifika kresementu ekonomia nia influenca. Tamba sa sasan (alat) nee inportante? tamba wainhira iha kresmentu ekonomia DIAK LIU TENKI AKOMPAINIA HO KAMPO SERVISU, signifika katak valor kresementu ekonomia DAET ba ema barak ka populasaun sira hodi asesu ba kampo servisu, i atravesa servisu nee, sira bele hetan salariu hodi dudu rendementu. Objetivu husi analiza nee sei foka liu ba hatun desenpregu no pobreza. Konklujaun maka: “”Kresementu ekonomia hamosu kampo servisu, dudu rendementu povu liu husi salariu, no ikus hatun desenpregu ou pobreza (Kiak Sai Kiik)””. Agora oinsa kresementu Timor Leste? ekonomista dehan pontu ita hare husi politika governu atu distribui rekurcu naturais atu ema hotu hetan.

3. New (net economic welfare), sasukat nee hare ba tempu ema servisu no seitor ekonomia nebe maka fornece servisu (formal ka informal), formal katak fornecementu servisu husi governu, no informal liu husi seitor privadu. Ex: servisu nain/trabalhadores servisu oras hira iha loron ida, loron hira iha fulan ida, ka fulan hira iha tinan ida. Tamba dala barak servisu informal iha fluktuasaun makaas (tun sae/la pasti), agora atu sukat moris diak ema ida presija hare nia rendementu nee bele kobre nia necicidade durante loron/fulan/tinan ida nia laran.

ho sasukat iha leten, kresementu ekonomia iha leten ita bele dehan katak KRESEMENTU NUMERU/ANGKA deit. La iha kualidade ou la prense indikadores ekonomia numeru 2 no 3. Signifika katak la iha influenca ba kampo servisu no konserteja la hasa’e mos moris diak (welfare) sociadade nian. “Tamba sa la iha mudanca ba kampo servisu? “Perguntas nee ita liga fali ho planu governu atravesa Orcamentu Jeral Estadu (OJE), katak politika atu kria kampo servisu reflete iha OJE ga lae?. Aprocimasaun nee ita uza, tan kresementu ekonomia Timor Leste depende ba despeza(gastus) governu, mesmu seitor privadu mos fo nia kontribuisaun maibe fundus nia hun mak OJE. Klaru katak estimulasaun ekonomia Timor Leste to’o ohin loron mayoria fornece husi governu ( tan nee hau dehan kresementu MAMUK, katak kresementu SERVE/HABOKUR/HATASAK DEIT BA INSTITUISAUN ESTADU) hare planu anual governu kada tinan, gastus/despeza ba instituisaun estadu boot liu kapital desenvolvementu.

Teoritikamente, politika fiskal katak decijaun governu konaba taxa (tax policy) no gastus (expenditure policy), ou governu uza osan povu nian (atravesa OJE) hodi kria estabilidade ekonomi no desenvolvementu. Molok hau aprejenta Musgrave nia hanoin konaba funsaun/objetivu fiscal policy, ita hare uluk politika despeza nebe governu halo hahu 2008-2010. Total gastus sira nee tutuir malu hanesan mai nee; $ 788,312 miloens/juta (2008), $ 680,873 miloens/juta (2009), no $ 636,859 miloens/juta (2010). Ho motante osan povu nian nebe bo’ot tebtebes konsege lori sucesu ba governu LAOS POVU, ho hetan kresementu nebe as tebtebes maibe nia influenca ekonomia”KIAK NO KIIK”. Tamba sa krecementu nee sucesu governu laos povu? Hau foti exemplu OJE 2010 katak kuaze pursentu 50 ($ 341,122 miloens OJE husi total OJE I justifikasaun rajaun nee bele hare iha “ gastus ba salariu funcionariu no Bens Servisu”) osan refere  serkula iha institusaun estadu laran ho ema hamutuk 32,733 mil mak asesu/aproveita, husi total 1 miloens liu populasaun Timor Leste. TAMBA NEE MAK HAU DEHAN SUCESU GOVERNU, SUCECU INSTITUISAUN ESTADU, OU HABOKUR DEIT ESTADU. Agora pursentu 40 seluk se mak asesu? Ita bele halo asumsaun katak Iha pursentu 20 mak povu aproveita liu husi projetu kiik no insidental sira, pursentu 20 seluk halai ba rai liur tamba ita depende ba importasaun (liliu material (kapital hanesan makina)), i pursentu 10 seluk tan lakon iha gaveta/kofre iha instituisaun estadu, buat nebe maka la normal maibe akontese iha Timor Leste (tenki atensaun ba 10% nee).

Politika alokasaun OJE 2010 nee hatudu katak politika fiskal governu halo ameasa ba futuru Timor Leste, tamba politika gastus la tuir funsaun orcamentu estadu nian, atu argumentu diak liu tan ita bele hare ekonomista Musgrave(1993) esplika kona funsaun decijaun fiscal/expenditure policy hanesan tuir mai:

1. Fornece sasan social, ex. Uma eskola, estradas, Hospital, fatin rekreasi, ponte, nsst, ka ita kuinece dehan funsaun alokasaun. Despeza governu reflete ga lae?
2. Distribuisaun rendementu no riku soin nebe Justu no ekilibre, ka funsaun distrubuisaun. Iha kontestu Timor Leste, oras nee distribuisaun rendementu centraliza deit iha Dili, tan nee bele dudu migrasaun husi area rural ba urbanu (tenke iha justica ba desenvolvementu). Reflesaun husi hanoin nee tenke fila ba politkus nebe kaer poder hodi halo planu. Oras nee dadaun Timor Leste nia distribuisaun rendementu iha gap nebe klean tebes. Ita mos hare la iha esforcu atu minimiza gap nee maibe justru aumenta tan deit.
3. Despeza orcamentu estadu nudar sasan/meius hodi hatuur metin (mantein) oportunidade servisu ba cidadaun tomak, ka funsaun estabilidade.
Funsaun fiskal husi Musgrave nee fo hanoin mai ita hodi analiza lalaok despeza nebe durante nee governu halo, leitoris bele halo konklujaun rasik katak funsaun sira nee reflete ona iha politika gastus ga lae? Maibe hau hatete katak ita nia kampo servisu oras nee klot los. Tuir Survey nebe SEFOPE halo 2010, kuaze 70% povu Timor Leste servisu iha area rural nee signifika katak seitor agrikultura mak fornece servisu, laos intrumentu nebe governu kria atravesa politika fiskal.
Prekupasaun boot seluk mak oras nee, despeza governu iha progresu makaas maibe la ekelibre ho rendementu nasaun. Timor Leste mayoria depende ba fundus petrolifru, tuir maibe ita bele hare tabele kraik:
 

Kontribuisaun seitor minarai hodi trata OJE hahu tinan 2006-2010

Source: Relatoriu Anual OJE nebe prosesa tiha ona

Bazeia ba tabela iha leten; ita hare katak iha 2006 governu uza fundus minarai ho motante $260 miloens (82%) no seitor non minarai kontribui deit 18 %. Maibe iha 2007 kontribuisaun tun 34% no seitor seluk fo 66%, aliende nee governu muda anu fiskal  ( nebe ita kuinece katak transisaun ho durasaun fulan nen). Depois de 2007, ita nia progresu gastus sae ho motante $ 788,312 miloens no seitor minarai kontribui 87%. 2009 nia prosentajen sei mantein maibe nia motante tun ($ 589 miloens) tamba motante OJE tun. Iha 2010 kuaze gastus OJE depende ba minarai ho pursentu 90 ou motante $ 811 miloens. Ho mudanca OJE nebe kada tinan sei sai bebeik, estadu presija buka alternativa rendementu hodi la bele fo todan liu ba seitor minarai, tamba Minarai iha loron ida sei maran. Kuandu ita hare trend rendemntu Timor Leste iha leten, seitor laos minarai nia kontribuisaun kiik los i cenderung tun bebeik. Buat nebe mak bele sai ameasa ba sustentablidade OJE iha futuru. Aliende nee, politika governu atu investe osan minarai iha area ekonomia produktivu sei kiik los. Husi elaborasaun nee, hau habadak (konklujaun) hanesan Tuir mai nee:

Premeiru; Estadu/Governu tenke Reve nia politika Fiskal ou hatuur lolos, ho hare indikadores makro nebe bele sustenta ekonomia povu atu nune la bele iha gap nebe klean iha ekonomia kommu. Sigundu, Despeza estadu iha Timor Leste hanesan meus ekonomia uniku iha tempu agora hodi garante desenvolvementu iha rai laran, tamba nee governu presija halo ekilibre entre gastus konsumi estadu no kapital desenvolvementu atu hadi'a distribuisaun rendementu. Terceiru; Investementu ba sei ekonomia produktiva sai hanesan opsaun nebe presija governu hanoin hodi la bele depende deit ba fundus minarai, tamba katak minarai sei hotu, ho rajaun katak investementu nee sei lori impaktu pozitivu problema ekonomia (garante rendementu sustentavel no iha fatin seluk sei reduz ema la servisu/desenpregu rai laran). Ho nune bele halo "KIAK SAI KIIK".