Tamba Sa, Indonesia Apaga Subsidiu ba Konfestivel Sei Sai ameasa ba Ekonomia Timor Leste_Draft

Tamba Sa, Indonesia Apaga Subsidiu ba Konfestivel

Sei Sai Ameasa Ekonomia Timor Leste?

Crispin da Costa Perreira.,M.Si

Dadaun Governu Indonesia atu hakotu subsidiu ba konfestivel (mina) sei fo impaktu ba kondisaun ekonomia makro Indonesia. Kondisaun nee sei dudu kustu produsaun nebe provoka inflsaun. Tamba konfestivel nudar komponenti baze ba makina produsaun iha kompania hothotu. Kestaun refere oras nee  halo reasaun maka’as husi populasaun Indonesia tamba povu barak sei moris lina mukit. Maibe hare fali ba komitmentu politika governu nebe lidera husi Susilo Bambang tenke apaga, ho rajaun katak NAHA ORCAMENTU JERAL ESTADU kada tinan todan, i rajaun seluk mak subsidiu ba konfestivel LA JUSTU tamba subsidiu refere mayoria facilita populasaun nebe lolos iha kbiit ekonomia (ekonomia level mediu ba leten). Mesmu sei sai decijaun maibe mosu polemika barak no pratikamente sasan nia folin iha merkadu sa'e ona. Produtor no vendedor hahu hasae folin momentu issu nee sai husi governu Indonesia.

Kuensekuencia Timor Leste Hasoru?

Timor Leste sei infrenta deit saida mak nee akontese iha Indoensia. Produtor Indonesia (supplier) hahu hasae dadaun ona folin sasan mesmu decijaun refere sidauk implementa, i iha fali parte seluk impaktu husi reasaun supplier sei fo naha todan ba konsumidores sira (folin sae/inflasaun). Inflasaun nee la ekilibre ho rendementu konsomidores nian. Iha Timor Leste hetan impaktu boot tebes (dala rua ou liu) tamba sasan baziku barak mai husi Indoensia, aliende kustu produsaun nebe sae/aumenta, kustu/taxa importa nebe akontese iha ita nia portu mos sei hanehan konsumidores. ho nune, wainhira sasan refere distribui too konsumidores sei simu folin nebe as tebes ou hanesan formula tuir mai nee: (kustu produsaun + Taxa iha portu + Kustu distribuisaun (transporte) = Folin Sasan). Kondisaun nee sidauk aumenta ho kustu serkulasaun no atetude vendedor/fa'an nain sira nebe hakarak buka lukru  as hodi halo asaun-asaun kontra lei konsomidores no supply iha merkadu, signifika katak SASAN NIA FOLIN LAOS TERMINA HUSI KONSUMIDORES NO SUPPLIER (folin merkadu) maibe folin vendedor.

Ita Mos Presija Kuinece saida mak Inflasaun?

Teoritikamente Inflasun mosu/akontese tamba dudu husi buat rua, 1) Kustu Produsaun, 2) Ema husi ou konsumidores aumenta/sae. Agora kontestu ekonomia Nasaun Timor Leste nebe foin harii, mayoria depende ba importasaun hodi sustenta ita nia nececidade. Kestaun nee mak sai hanesan korenti ekonomia entre Indonesia-Timor Leste, signifika katak fluktusaun ekonomia iha Indonesia sei DAET ba Timor Leste, inklui inflasaun nebe akontese oras nee dadaun. Refere ba teoria inflasaun iha leten ita koko elebora ho kondisaun ekonomia riil Timor Leste katak, ita infrenta teoria husu (konsumidores barak) maibe fornecementu sasan oituan(supply menus). Kondisaun nee ita taka ho importasaun nebe durante nee lao hela atravesa koperasaun komerciu ho nasaun seluk (hau esplika ona iha leten). Signifika katak, folin nebe mak ita nia merkadu hetan sae dala tolu ou dala hat tamba sasan mai husi nasaun seluk. Kuandu hare fali movementu importasaun nee barak liu/mayoria sasan tama mai husi Indonesia. Fenomenu nee, obriga Timor Leste hodi hasoru/infrenta sasan nia folin nebe as tamba iha iha RAI LARAN ITA NIA PRODUSAUN MENUS/BARAK MAK LA IHA.

Saida Mak Estadu/Governu Timor Leste Prepara/Halo?

Nudar nasaun foin harii, difisil ba Governu atu prepara hotu kedas kondisaun ekonomia atu responde ba interece publiku. Ita tenke hahu ho buat kiik nebe ita bele exemplu; desenvolve uluk seitor ekonomia agrikultura nebe sai hanesan baze ekonomia Timor Leste. Depois agrikultura ita mos lao dadaun ho seitor industria no turismu, seitor komerciu nomos seitor Public Services (jasa publik). Seitor ekonomia refere oras nee fo duni nia kontribuisaun ba rendementu nasaun mesmu foin 5-10 pursentu. Parte seluk rendementu nasaun Timor Leste mayoria hetan husi Minarai (90-95 pursentu). Entau; hare ita seitor industria nebe sei fraku tebes iha oras nee hatudu katak ita la bele produs rasik sasan hodi responde ba ita merkadu domestika, no kondisaun nee bele lori tinan 20-30 mak foin bele estabelese industria sira refere. Ho problemas sira nee, estadu tenke toma medidas no halo planu atu prepara kondisaun nasaun hodi realiza mehi nee iha futuru. Preparasaun nee hanesan tuir mai nee:

Premeiru; Governu tenke prepara rekurcu umanu nebe kualidade. Investementu iha seitor edukasaun sai hanesan save hodi garante desenvolvementu sustentavel  Timor Leste iha fururu. Sigundu; Re-Aloka rekurcu naturais hodi desenvolve seitor ekonomia produktivu seluk (ex. industria) hodi Timor Leste depende deit ba seitor Minarai. Konsencia politukus presija reve hanoin hodi foka ba kestaun desenvolvementu sustentavel Timor Leste. Re-alokasaun rekurcu nee atravesa politika fiskal atu bele istimula ekonomia povu ho nune iha loron ida Timor Leste HAMENUS nia depedencia ba produtu rai liur. Reflesaun husi kontiudu nee bele hare iha politika fiskal governu  durante nee (hare Orcamentu Jeral Estadu/OJE), i faktus hatudu katak ita nia politika fiskal SERVE DEIT INSTITUISAUN ESTADU nebe ema oituan deit mak hetan nia benefisiu. Bele dehan katak Politika fiskal refere halo distribuisaun rendementu nasaun Timor Leste la justu (kontra prinsipiu politika fiskal), i kondisaun nee halo povu barak moris iha mukit nia laran maibe grupu balun moris diak. Terceru; Estabilidade politika no siguranca sai mos save desenvolvementu nasaun. Komitmentu politika husi ema polikus sira sei fo impaktu boot ba estabilidade nasaun hodi garante siguranca no sustentablidade desenvolvementu nasaun. Kestaun nee; refleksi husi atetude no linguajen lideranca politika sira iha palku publiku. Iha nasaun foin harii prejensa politikus sai domina iha ambiente sociadade nebe sei nurak no kiak. Tan nee, fator determinante desenvolvementu nasaun iha autor politkus liman. Konsencia politika husi autor politikus sei fo mahon kondisaun sociadade nebe moris hamatek no paz. Kuartu; Governu bele halo politika subsidiu. Politika nee governu/estadu uza hodi salva povu hodi hasoru folin sasan sorin (setengah) i folin sorin seluk governu mak kobre (selu). Objetivu husi politika refere hodi ha-kaman povu atravesa politika subsidiu (estadu selu sorin) ho nune povu infrenta folin baratu (folin subsidiu) ex. subsidiu ba Folin Fos. Decijaun konaba subsidiu iha kontestu ekonomia babain akontese insidental ou la permanenti tamba subsidiu refere halo NAHA BA Orcamentu Jeral Estadu (OJE) nasaun.