Desenpregu sai ameasa ba estabilidade nacional_Draft

Desenpregu Sai Ameasa ba Estabilidade Nacional
Crispin da Costa Perreira.,M.Si

I.       Intrudusaun

Ekonomia sai hanesan fundamentu no mata dalan ba nasaun hodi hare pregresu desenvolvementu seitor seluk. Ekonomia sai hanesan baze determinasaun nasaun Timor Leste hodi responde prekupasaun povu tomak, inklui estabilidade nacional. Mesmu nune, entre estebalidade no ekonomia iha relasaun nebe forte/positivu hodi daet ba malu kuandu akontese problema.

Kuandu ita hare deklarasaun husi governu tinan ikus konaba kresementu ekonomia Timor Leste as tebtebes kompara nasaun seluk nebe nia ekonomia avancadu hanesan China, Indonesia, Singapura no sst. Maibe reasaun publiku relasiona ho publikasaun kresementu nee mos makaas tamba realidade kresementu nee la reflete kondisaun ekonomia rai laran. Duvidas nebe sempre sai prekupasaun publiku liliu ekonomista sira maka konaba sasukat ou indikadores makro ekonomia nebe governu uza hodi sukat kresementu nee. Exemplu indikadores sira nee maka; rendementu povu, hamenus desenpregu, hasae kualidade moris (asesu ba saude, edukasaun, informasaun). Refere indikadores ekonomia nebe mensi iha leten, kresimentu ekonomia durante tinan tolu liu ba nebe tuir deklarasaun governu katak komesa husi 2008-2010 kada tinan kuaze  9 to’o 12 pursentu la signifikante/la hatan ba problema. Se kondisaun ekonomia rai laran governu husik i lakohi trata ho seriu sei bele lori impaktu ba estabilidade nacional. Krecementu ekonomia nebe sai nudar indikasaun progresu desenvolvementu ekonomia iha Timor Leste tenki koresponde ho situasaun riil sociadade. Signifika katak krecementu tenki ekilibre ho redusaun ema la servisu (desenpregu).

Nasaun Jamaica fo imajen ba Timor Leste hodi trata ekonomia liliu problema kampo servisu ho diak hodi la bele hamosu problema seluk. Tuir mai ita bele hare kazu nebe akontese iha Jamaica tamba problema kampo servisu:

Jamaica tuir Lorna Black,  mosu hanesan nasaun nebe nia eventu kriminalidade as kada tinan. Ho nasaun kiik maibe numeru krimi no oho malu kada tinan as. Exemplu iha 2001 tuir Jamaican Contabulary Statistics Department numeru ema mate tamba hetan oho hamutuk 1,139 (Crime review 2001, 2002). Nee hatudu katak kazu oho malu aumenta 252 iha tinan 2000,  sae 290 kazu husi 1999. No kazu sira nee nia autor maka jovem sira. Peskizador Blank no Minowa (2001) halo peskiza nebe hetan apoia fundus husi banku mundial hatudu katak 55% husi krimi nebe akontese iha Jamaica durante 1999 nia autor mak individu, ou ema sira nebe nia idade 26 mai kraik. Dadus refere reforca tan husi relatoriu Komesariu Policia Francis Forbes iha tinan 2000 katak nuneru jovem nebe halo violencia no sai vitima aumenta. Iha 2001, ema hamutuk 3,558 maka tama sela policia tamba krimi todan (kejahatan berat), 1,929 involve jovem ho idade 25 mai kraik(Crime Review 2001, 2002). Aliende nee tuir Blank no Minowa (2001), ema sira nebe tama iha komarka (prijaun/penjara) iha tinan 1999 ho idade 17-24 hamutuk 30% (Rob Whate, 2008:238).

Aktividade violencia nebe as iha Jamaica tuir Lorna Black; katak kontribuisaun husi fator Geng (anak geng), nebe sai hanesan modelu moris ema Jamaica durante tinan 20 ikus no sai hanesan ameasas ba sociadade tomak. Fator seluk maka numeru ema la servisu (desenpregu) nebe la hetan servisu no buka fatin hodi hasai sira nia frustadu, energia, no hamrok ba dezafias(petualang) (Levy, 2001). Levy hatete kondisaun social no frustadu ekonomia tamba la iha servisu, oportunidade, barukten, edukasaun, trenamentu sai hanesan baze kresementu nebe diak ba existensi geng. Aliende nee mos, tamba migrasaun nebe aumenta bebeik durante tinan 25 ikus nee, hado’ok labarik/foin sae sira nebe dala barak mane husi apoia inan aman. Inan aman husi labarik foin sae sira nee, migrasaun ba nasaun seluk hanesan Canada, Estadu Unidos, no Inglatera tamba oportunidade servisu iha nasaun sira nee diak liu du ke iha Jamaica. Entau, oan sira husik hela ninia avo, familia, ou kolega mak hare, tan nee mosu fenomenu muda labarik (perpindahan anak) (Blank no Minowa, 2001). Tuir Levy estragus valor edukasaun no familiarista fo apoia tan deit triste nebe mosu iha ita nia oin (Whate, 2008 :239-240).

Profile Nasaun Jamaica;

Nasaun besik USA, husi Florida ho distancia 770km tasi sul. Jamaica ninia luan 10,990 km². Nia numeru populasaun hamutuk 2,680.029 iha tinan 2002. Jamaica uza sistema governasaun (sistem pemerintahan) demokracia parlamentaria, ou monarkia konstituisional husi Inglatera. Kondisaun ekonomia nasaun nee depende ba seitor agrikultura. Seluk mak maining (pertambangan) inklui aluminium no boksit, manufaktur, no turismu. 21% labour force (angkatak kerja) tuir Lorna Black servisu iha agrikultura i involve iha produsaun tohu(tebu). Mais menus 85% populasaun Jamaica la hatene lee iha tinan 1980 (blank no Minowa, 2001).

Ho esplikasaun intrudusaun iha leten, iha oportunidade nee, ita sei hakerek fokus liu ba problema ekonomia, liliu “ desenpregu sai ameasa ba estabilidade nacional”.

A.   Formulasaun Problema

Bazeia inrudusaun nebe iha leten, maka tuir mai ita sei hatuur problema hirak nebe sei topiku hodi halo analiza:

1.         Desenpregu iha Timor Leste ho nia karakteristiku

2.         Impaktu desenpregu ba estabilidade nacional

B.    Perguntas save

1.          Karakteristiku desenpregu iha Timor Leste  oin nusa? Hare husi aspetu ekonomia?

2.          Impaktu husi desenpregu ba estabilidade nacional maka oin nusa?

II.                  Baze Hanoin ka aspetu teoria;

A.   Difinisaun desenpregu (ema la servisu)

Tuir Lincolin Arsyad (2010), desenpregu katak ema nebe tama iha grupu servisu (tinan 15 – 64) nebe sidauk servisu/la servisu ka dadaun buka hela maibe sidauk hetan. Sira nee mak hanesan inan sira iha uma(ibu rumah tangga), estudante pre sekundaria, sekundaria no encino suprior(mahasiswa) no sira seluk nebe sidauk ka tamba prekupasaun seluk sidauk servisu.

Tipu desenpregu

a.       desenpregu friksional (frictional Unemployment katak desenpregu nebe hahalok provesoria (sementara) tamba tempu, informasaun, no kondisaun geografika entre ema nebe buka servisu no vagas servisu.

b.      Desenpregu strutural (structural Unemployment) katak ema nebe la iha servisu, la prense rekejitus ba vaga nebe fornece husi servisu nain. Dala barak, toma liu antensaun ba kualidade rekurcu umanu/kandidatus tamba progresu desenvolvementu ekonomia nebe avancadu tebtebes no presija rekurcu iha kapacidade diak liu ida antigu/pasadu.

c.       Desenpregu temporaria (seasonal Unemployment) katak la servisu tamba kondisaun ekonomia nebe akontese fluktuasaun (mudancas) iha kortu prazu (jangka pendek). Exemplu kondisaun nee agrikultor sira sempre infrenta tamba iklima (hein udan atu kuda).

d.      Desenpregu Siklu katak la servisu tamba impaktu husi siklu ekonomia, nebe demand ba ema servisu tun duke supply.

B.    Estabilidade (stability)

Estabilidade katak kria ekelibre nebe harmonia (dinamis), laos deit reponsablidade governu/estadu maibe sociadade/entidades tomak. Estabilidade cidadaun Timor Leste garante  iha konstituisaun RDTL artigu 6 hanesan objetivu estadu nian nebe tenki atinji hodi fo mahon ba povu tomak. Aliende nee iha artigu 146-148 mos konstituisaun RDTL difini instituisaun estadu nian hodi garante estabilidade nacional maka Falentil-Forca Defesa Timor Leste (F-FDTL) no Policia Nacional Timor Leste (PNTL). Baze ida mak sai nudar mata dalan ba instituisaun estadu rua nee fo siguranca ba cidadaun iha teritori tomak Timor Leste.

ELEBORASAUN PROBLEMA

I.                    INFLUENCA DESENPREGU BA ESTABILIDADE NACIONAL

A.      Desenpregu iha Timor Leste

a.      Karateristiku desenpregu

Hare husi aspetu ekonomia ho kondisaun aktual Timor Leste nebe foin ukun an defisil ita koalia konaba kampo servisu nebe adekuadu ba cidadaun tomak. Ho kontestu nasaun kiak/foin harii sempre infrenta problema oioin inklui numeru densenpregu boot. Iha karakteristiku nebe jeralmentu domina iha Timor Leste:

1.       Kampo servisu nebe limitadu. Atu rejolve Karakteristiku ida nee presija kolaborasaun entidades tomak, liliu seitor privadu ho governu hodi kria kampo servisu ba jovem sira. Nudar nasaun nebe foin ukun an, problema boot mak konfianca husi investedores ba governu sei menus. Governu sidauk garante estabilidade no facilidades hanesan infrasruktur hodi facilita bisnis iha Timor Leste. Exemplu estradas, elitrecidade, ponte, no sst. Nudar save ba investadores sira hodi kuda nia kapital iha Timor Leste. Tan nee, presija asaun konkritu husi governu kria siguranca no lei investementu nebe adekuadu.

2.       Kapacidade servisu nain (trabalhadores) nebe sei minimu, Estadu tenki rekuinece katak kapacidade rekurcu umanu ita nian sei fraku tebtebes. Tan nee, se ita buka atu kompete iha merkadu servisu nebe nakloke nee defisil.

3.       Vontade servisu nain (trabalhdores) sei minimu (fator baruk), karakteristiku vontade servisu ema Timor oan sei menus, sidauk valoriza servisu didiak nudar ema professional. Fator seluk, maka pasencia hodi halao servisu sei kuran liu, i dala barak ida nee fo impaktu makaas ba rejultadu servisu.

b.      Numeru ema servisu iha Timor Leste

Bazeia ba census populasaun no uma kain Timor Leste 2010, total populasaun Timor Leste hamutuk 1.066,582, husi numeru populasaun iha tinan 2004 hamutuk 923,198, numeru nee hatudu katak populasaun Timor Leste sa’e hamutuk 143,384 durante tinan 6 (nen) nial laran, ou pursentu 15 (15%).  Husi numeru nee ita bele dehan katak kada tinan(rata-rata) husi 2004 too 2010 ita nia populasaun sa’e 23,897 ou pursentu 2,5%. Aliende dadus census populasaun, dirasaun nacional estatistika mos halo survey konaba Grupu ema servisu/labor force (angkatan kerja)  Timor Leste.

Tuir survey nebe halao iha tinan 2010 katak numiru ema  ideda 15 liu (angkatan kerja) hamutuk 627,000 nebe oras nee namkari iha Timor Leste. Tuir mai ita bele hare iha tabela kraik:

 

Dadus nia hun: DNE 2010.

Hare dadus iha leten hatudu mai ita katak numiru grupu servisu (labour force) 262,000 nee ita fahe ba rua: maka sira nebe servisu hamutuk 252,000 no seluk la servisu hamutuk 9,000. Furak mai ita hodi hare mak mayoria idade servisu (15+) nee hela iha area rural hamutuk 449,000 no nomeru labour force 186,000, signifika katak kampo servisu ba ema sira iha area rural maka seitor agrikultura (agrikultor). Agora husi numeru labour force nee iha ema hamutuk 180,000 nebe hetan ona servisu, maibe iha ema hamutuk 4000 mak la hetan servisu. Numeru ema hetan servisu iha area rural nee as tebtebes nune sita ita analiza hodi hare ba sustentablidade servisu nain sira. Sai duvidas mai ita kuandu ita koncedera ema sira hetan servisu iha area rural nee, halo servisu permanenti durante tinan ida nakonu(full servisu iha tinan ida).

Ita hare fali iha area-area urbanu(perkotaan), ho labour force hamutuk 76,000, husi numeru nee, 71,000 maka hetan servisu restu 5000 la hetan servisu.

Survey nee rasik la hatete ba ita konaba area servisu ba servisu nain sira, tan nee difisil ita koalia katak grupu (labour force) iha tabela nee servisu permanente ou provisoriu, katak servisu nain servisu hodi sustenta nia moris durante tinan ida ou rua/tolu ka servisu provisoriu (temporariu).

Maibe atu ita bele ekilibre hodi kompriende situasaun absoursaun ema servisu (tenaga kerja yang terserap) iha Timor laran, ita mos bele hare oinsa seitor publiku ka estadu nebe durante tinan 9 ona fornece servisu ba nia cidadaun.

Tuir relatoriu exekusaun orcamentu jeral (OJE 2010) seitor publiku absorsi ona ema hamutuk 32,733 maka sai funcinariu publiku. Signifika katak husi 262,000 grupu servisu (labour force), seitor publiku foin absorsi pursentu 12  (12%), restu 88% ita la hatene servisu iha seitor nebe tamba too ohin loron DNE rasik seidauk produs dadus ruma nebe relasaun ho asuntu nee.

Tamba nee se ita atu bele responde presentajen ema la sirvisu nebe boot, ita koko halo asumsaun(asumsi) katak seitor privadu mos fornece  kampo servisu  hanesan ho seitor publiku ho pursentu 12 (12%)  nebe namkari iha seitor komerciu, hotel/restorante, ONG, konstrusaun(konstruksi), industria, no sst. Konklujaun husi asaumsaun nee, fo imajen mai ita katak Timor Leste foin ema sira hetan servisu foin 24% nebe absorsi ona iha seitor publiku (governu) no seitor privadu. Agora 76% maka oras sidauk hetan servisu nebe parmanenti, sira nee mak agrikultor, buruh bangunan, ema sira remata eskola/hakotu nia eskola, ka ema sira nebe oras sai inan iha uma.

B.      Involvementu jovem nebe sempre kria situasaun la hakmatek iha sociadade nia leet

Hare ba limitasaun kampo servisu ohin loron kompara numeru labour force, estadu tenki iha politika atravesa governu hodi buka rejolve. Tamba faktus mak ita hotu hare katak baruilu sira nebe akontese iha teritoriu laran mayoria hahu husi jovem. Jovem laos autor ba desenvolvementu maibe dala barak sai hanesan objetu ba politikus hodi halo problema. Exemplu grupus artemadcais nebe sempre halo baruilu iha komunidade nia leet, hanesan iha Cassa-Distritu Ainaro entre PSHT no Korka (STL:3 Juinu 2010). Kazu Cassa hanesan exemplu husi kazu barabarak nebe involve jovem iha teritoriu Timor tomak hanesan tuir mai nee:

1.       Krizi 2006, barak mak husi joventude, ita hotu sei lembra oinsa jovem organiza sira nia an ka organiza husi ema seluk hodi sunu uma, baku malu, lelan ema nia sasan husi uma ba uma seluk, tuir demostrasaun, no sst.

2.       Oinsa jovem sira involve iha baruilu iha fatin festa hanesan kazu nebe akontese iha Delta-Comoro no Vila Verde nebe rejulta jovem ida mate tamba hetan tiru husi policia, i to’o ohin loron ita sidauk hatene nia prosesu.........buka info nia hun??????tempo semanal,,,,,,,,,.   

3.       Kazu baku malu entre grupu artemaceis iha distritu Baucau nebe rejulta jovem kanek tamba hetan ta’a.

4.       Kazu seluk iha fatin hanesan diskoteka tamba hemu tua lanu, ka tamba haksesuk malu feto/mane, ou dala ruma odiu malu antes  depois hasoru malu iha diskoteka.

Fenomenu violencia (kekerasan) nebe mayoria involve joventude tuir matenek nain Rob Whate katak akontese tamba sira la hetan domin husi familia, la iha atensaun  husi inan aman, la servisu, balun la eskola. Tamba atetude husi familia hasoru jovem sira hanesan nee entau, sira komesa sai husi uma i buka nia maluk sira nebe bele simu sira hodi koalia, halimar, no bele lao hamutuk. Tuir Rob Whate, indikadores hirak nee sempre mosu iha sociadade nia leet hodi hare grupu jovem sira la dun diak/marjinalizadu maka kiak, la servisu, asaun kekerasan aumenta, frekuancia hakotu eskola nebe as, no uma la iha (tuna wisma) (White 19:2008).

Ita koko elabora indikadores sira nebe aprejenta husi White, ho kontestu ekonomiku Timor Leste, tamba sa jovem gosta mete violencia (kekaran)?

a.       Kiak hanesan kestaun nebe fo infloenca ba atetude jovem sira. Situasaun nee forma sira sai la barik nebe nia vida moris difisil (presaun makaas) hodi hases an ho situasaun ekonomia nee. La barik tenki buka oinsa bele defende an hanesan umanu atu existe nafatin iha sociadade nia leet. Kiak hanesan moras ekonomia nebe sempre sai asuntus ba ekonomista hodi deskute iha fatfatin,,,,,,,,,,,,,,,,,,,.????

b.      La servisu, fenomenu nebe akontese barak liu iha Timor Leste. Grupu ida nee fasil hodi organiza an halo krimi no fasil ba ema seluk (politikus) organiza sira ho promesa osan hodi halo baruilu/violencia. Kondisaun nebe kada tinan akontese no sei aumenta bebeik tamba jovem sira la iha aktividade produtivu, ka aktividade nebe bele fo benefisiu ba nia an.

Aliende la iha aktividade produktivu, governu too ohin loron sidauk iha meus ou kometmentu politika hodi rejolve problema kampo servisu. Inkonsistente governu atu kria kampo servisu ba jovem nee reflete husi politika governu halo alokasaun Orcamentu Jeral Estadu kuaze pursentu 70-80 (70%-80%) ba fali instituisaun estadu (ka serve deit grupu sira iha governu laran) iha 2008-2010, no iha pursentu 20-30 (20%-20%) deit iha nia influenca ba povu atravesa projetus.

c.       Ho eskola gratuitu nebe estadu fornece hahu husi eskola primaria to’o eskola sekundaria jovem barak mak iha oportunidade hodi eskola to’o akaba/remata. Maibe pontus inportante nebe presija ita hatan maka kompetisaun iha kampo servisu oinsa sa? Kapacidade kompete iha ga lae? no kampo servisu nee rasik iha ga lae? Liliu relasaun ho jovem sira nee nia nivel eskola minimu. Aliende kampo servisu, dala barak labarik sira nebe hela iha area rural la fokus ba nia eskola tamba sira mos ajuda inan aman hodi servisu iha toos no natar. Nemak mayoria akontese iha sociadade sira iha area rural tamba problema ekonomia, ka dala ruma jovem sira hakotu nia estudu iha klaran.

C.      ESTABILIDADE NACIONAL HARE HUSI ASPETU EKONOMIA

Kontribusaun ba estabilidade nacional presija involve entidades tomak hodi kria situasaun nebe hakmatek, harmonia, no iha dame no paz. Entidades sira nemak hanesan: sociadade/komunidade, oragnizasaun politika, media, ONG, no instituisaun estadu. Hanesan nasaun demokratiku nebe nurak, estabilidade nacional sai hanesan save hodi garante desenvolvementu nasaun. Maibe kuandu hateke fali ba krizi 2006  sai lisaun boot ba povu Timor Leste, liliu instituisaun estadu nebe sai hanesan responsablidade hodi fo mahon ba nia cidadania.

Hare akontensementu nee hatudu ba ita katak jovem nebe lolos sai nudar autor desenvolvementu iha futuru kontrariu fali, i fasil para hetan agitasaun husi politika nain (politikus) hodi involve dereita iha konflitus 2006. Faktus nebe komunidade lembra nafatin jerasaun ba jerasaun. Situasaun nee halo espektasaun povu barak maka lakon konfinca ba instituisaun estadu sira liliu seitor siguranca (F-FDTL no PNTL). Tamba krizi 2006 rejulta ema barak mate, lakon nia riku soin, no tenki moris iha kampo refujiadu durante tinan rua nia laran.

Imajen husi konflitus 2006 mosu tamba reflesaun husi maturidade lideranca politika nebe ambisiuzu no egoeste nunka hateke ba problema nebe povu hasoru, maibe sira mete liu sira an no grupu hanesan sasukat hodi jeneraliza situasaun riil sociadade. Povu nebe mukit tamba falta kampo servisu sai hanesan objetu politika hodi manipula nia hanoin atu nune dudu interece politikus nia objetivu.

Aliende problema politika, kontribuisaun bo’ot atu garante estabilidade nasaun maka  ekonomia. Seitor ekonomia iha infloenca signifikante ou determinante ba estabilidade nacional. Atu evita mosu konflitus iha sociadade nia le’et, governu tenki kria kondisaun ekonomia hanesan tuir mai nee:

a.       Kapacitasaun rekurcu umanu/investementu ba umanu.

Nudar nasaun nurak no falta rekurcu umanu nebe iha kualidade, governu tenki kria kondisaun nee hodi koresponde ho problema nebe governu infrenta. Kapacitasaun sei lori impaktu pozitivu ba esperencia, kreatividade no bele aumenta kualidade hodi hasoru problema rasik. Estudu Schultz, Harbison, Dension, Kendrick, Moses

Abromovits, Becker, Kuznets (Jhingan,1988)  hatete katak fator inportante hodi hasa’e kresementu ekonomia iha Estado Unidos Amerika maka despeza ba edukasaun nebe as.

b.      Loke kampo servisu

Kampo servisu nudar asuntu inportante hodi rejolve problema desenpregu nebe oras maka’as, i kada tinan sei aumenta bebeik tamba resalaun ho idade servisu no ema sira nebe akaba nia eskola. Kriasaun kampo servisu iha modelu rua, ida governu maka kria servisu atravesa despeza OJE kada tina-tinan. Rua kria husi seitor privadu. Seitor privadu mos ita fahe ba rua, investementu husi rai laran (domestika) no investementu rai liur (esternu). Tuir observasaun katak ita sidauk maneja oportunidade didiak hodi rejolve desenpregu.

Kampo servisu nebe oras nee limitadu tebtebes iha Timor Leste hetan influenca fator hirak tuir mai nee; premeiru politika alokasaun Orcamentu Jeral (OJE) husi governu nian sidauk diak, liliu kapital desenvolvementu nebe kiik liu du ke gastus permanente ba instituisaun governu. Signifika ema oituan deit mak hetan influenca husi despeza governu (kontra funsaun orcamentu estadu). Sigundu; Investementu privadu iha Timor Leste sei menus liu. Governu presija istimula kondisaun rai laran, liliu desenvolvementu infrastrutura exemplu estradas, ponte, eletrecidade, nune mos estabilidade politika/siguranca, no lei investementu. Exemplu sira nee sai sasukat ba decijaun investor sira atu kuda nia kapital iha ita nia rai laran. Terceiru; Trabalhadores ilegal mos fo influenca limitasaun kampo servisu. Problema nee governu tenki atende ho seriu, tamba faktus hatudu katak oportunidade nebe iha dala barak prense ho trabalhadores ilegal, hanesan foin lalais policia Imigrasaun kaptura nain 25 husi Indonezia. Nee sidauk sura ho ema estarnjeiru nebe utiliza sala visa nebe sira kaer? Exemplu sira nebe mai leba sasan tama uma sai uma hodi fa’an, solda sapatu, bada’e (buruh bangunan) no solda osan mean inklui iha fatin deskoteka halo multifunsaun iha Dili laran nee, uza visa saida? Mesmu oportunidade sei kiik maibe lori impaktu ita nia ekonomia, tamba osan sira nebe ema sira hetan iha Timor sei lori semo hotu ba liur (capital fligt).

c.       Distribuisaun rendementu nacional la ekelibre sai dezefius ba governu hodi hasoru problema konflitus entre jovem tamba la hetan servisu, iha parte seluk hamosu migrasaun populasaun husi area rural ba konsentra iha kapital tamba desenvolvementu nebe sentraliza.

Hare husi motante Orcamentu Jeral Estadu (OJE) kada tinan hahu ano fiskal 2008 komesa sae maka’as, husi $ 315 miloens iha tinan 2006/07 sa’e ba $ 788,312 miloens (sa’e 151%) iha tinan 2008, tinan OJE 2009 $ 680,783 miloens, $ 2010 636,859 miloens, no 2011 hamutuk $ 1,306,018 biloens